陈凯琳母爆曾反对女儿嫁郑嘉颖

陈凯琳（Grace）和郑嘉颖结婚3年，现时育有两个宝贝囝囝Rafael和Yannick，一家幸福美满，可是，二人恋情最初不被看好，事关当年Grace选完港姐后，即被TVB力捧，另一方面郑嘉颖无论年纪和家境都和Grace相差颇大，就连陈妈妈Connie（陈刘惠娴）亦曾反对二人拍拖。

Connie在接受港台访问时，直认最初得悉二人拍拖，一度感到不开心和不想与男方接触。一、我唔认识渠（郑嘉颖）；二、听闻佢好花弗；三、年纪都有少少影响，怕渠只系玩玩吓。但我唔可以一刀切，始终大家都系成年人，我初时唔想见渠，因为我惊唔知点面对渠同相处。我真系好惊，好唔开心，唔知点算好，因为呢次系Grace慨初恋……！

结果，Grace就提议大家分开祈祷，才出现转机。Connie说：祈祷中，上帝要我主动去认识渠……我心入面系唔应该谂渠抢咗我个女，或者渠哋两、三年之后会散啦，更唔应该无奈地、死死气地承认渠哋一齐……（于是）我继续祷告，经过多次沟通，我哋先至互相接纳，至可以融为一体。Connie又坦言：因为我重视婚姻，原因系工作、交友慨嘢可以转变，但婚姻要好谨慎，唔可以『合则来，不合则去。』她忆述初次见郑嘉颖时，对方好热情，好有礼貌，对长辈十分尊重，还送上一支极名贵红酒作见面礼，而说话时不会左顾右盼，实话实说，是个诚实的好孩子，Connie亦对他慢慢改观。

Connie透露现时和女婿常用微信通信息，即使自己正在凑孙，亦会打电话给他闲聊。渠又会即刻接，我哋冇隔膜！她又大赞女婿：郑嘉颖结婚之后，我更加认识渠，渠以家庭为重，重到我要叫渠减啲，唔好咁夸张，渠成日问，两个仔大咗会唔会够钱用，惊住通货膨胀，成日问老婆舒唔舒服，我话渠而家已经好好，佢话应该仲可以好啲，成日叫Grace唔好悭钱，要用就用！渠又会神神秘秘买个靓手袋送畀Grace，仲同Grace讲：『唔知点样去多谢你，我真系好爱你！』渠（嘉颖）对妈妈、家人，甚至工人都好恩待，我以为渠系讲嘢大声慨大男人，原来佢好细心、好窝心、好体贴！我呢个女婿好似红酒，初试一啖未开透，未饮出味道，一路饮一路开，味道会变化多端，越来越好，可能以后仲会有另外一个境界！我好爱渠，真系好爱渠，佢好抵锡！我畀佢101分，嗰一分系上帝额外加上去慨！